मला देव भेटला तर .........

लेखिका : सौ. तृप्ती पाडळकर 



       मित्रांनो, माझ्या आजोबांकडे गोष्टींचा खूप मोठा साठा आहे, रोज रात्री झोपताना, ते मला छानशी गोष्ट सांगतात. काल नेहमीप्रमाणे, आजोबांनी रात्री झोपताना  मला पांडुरंगाची गोष्ट सांगितली, गोष्ट ऐकता ऐकता मी कधी झोपलो कळलेच नाही. अचानक मला पांढरा शुभ्र प्रकाश दिसू लागला, म्हणून मी डोळे चोळून पाहू लागलो तर पांडुरंग कमरेवर हात ठेऊन विटेवर उभा होता. मी थोडासा घाबरलो, चाचपडत म्हणालो," देवा, खुर्चीवर बसा ".
 तो हसून म्हणाला," नको, नको, मी विटेवरच ठीक आहे " . 

       माझा काही विश्वास बसेना, देव, चक्क माझ्यासमोर ! तसा तो हसत म्हणाला, "विश्वास बसत नाही का रे तुझा ? तुला पाहिजे ते माग, एका क्षणार्धात आणून देईन". मनात विचार केला, मागून तर बघूया, मिळाले तर मज्जाच मज्जा ! मी देवाला म्हणालो, "चॉकलेट बॉक्स, क्रिकेट किट, फुटबॉल, सापशिडी, कॉम्पुटर गेम, सर्व गोष्टी दे ". देव म्हणाला, "अरे थांब थांब! हे सारं तुझ्या हातात मावेल का ? कारण जमिनीवर पडलं तर नष्ट होईल आणि तुझे हात तर चिमुकले आहेत". मला आजोबांनी सांगितलेली "लोभी माणसाची गोष्ट" आठवली. "अति लोभ नसावा देवा, मला तू चॉकलेट बॉक्स आणि फुटबॉल ह्या दोनच गोष्टी दे," मी देवाला म्हणालो. अगदी दुसऱ्या क्षणाला माझ्यासमोर त्या दोन गोष्टी हजर होत्या. "वा! म्हणजे तू खरंच देव आहेस," मी वस्तू हातात घेत म्हणालो.  "पटलं ना आता तुला! " देव हातावरील शेला सारखा करत म्हणाले.     

       देवा, तू काहीही करू शकतोस ना ? मग माझ्या घरातील भांडणे थांबव ना ! कधी कधी आई ऑफिसमधून येताना चिडलेली असते, मग त्या दिवशी तर मला धपाटाच मिळतो. आई -बाबा भांडायला लागले की, मला खूप भीती वाटते, देवा, प्लिज काहीतरी कर ना ? मी देवाला विनवणी करू लागलो. आजोबा म्हणतात " विठ्ठल जादूगार आहे" , त्याला काहीच अशक्य नाही. 

     देव गोड हसला आणि म्हणाला," तू रोज सकाळी आईबाबांबरोबर मनापासून माझी प्रार्थना कर, मात्र प्रार्थना रोज व नियमित झाली पाहिजे, मग बघ, कसा चमत्कार होतो , घरात शांतता व आनंद नांदेल" . मी आजपासूनच प्रार्थना सुरु करेन देवा, प्रॉमिस . देवाने हात पुढे केला ,मी हातातील वस्तू सांभाळीत कसाबसा हात पुढे केला, इतक्यात फुटबॉल हातातून निसटला, तो पकडायला गेलो तर धपकन पडलो . आई ,आई म्हणून किंचाळलो, डोळे उघडून बघतो तर काय! देव नाही आणि फुटबॉल पण नाही . हळूच उठलो, देवघरात गेलो, तेथे पूजा करत असलेल्या आजोबांच्या कानात सांगितले की, तुम्ही पूजा करत असलेला पांडुरंग मला खराखुरा भेटला पांडुरंग ,पांडुरंग .....

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

जमलं रे जमलं

इमेज
  लेखिका : सौ. तृप्ती पाडळकर             ‘ शुभ मुहूर्त ’ या वधू - वर सूचक मंडळाने मुलामुलींना भेटता यावे , बोलता यावे यासाठी एका हॉलमध्ये ' पहाण्याचा ' कार्यक्रम आयोजित केला होता. त्या ठिकाणी शारदाकाकू , त्यांचे यजमान आणि त्यांचा मुलगा राघव गेले होते . तेथे बरचसे पालक मुलामुलींसहीत आले होते , मंडळाचे कार्यकर्ते नोंदणी करून हॉलमध्ये पाठवत होते , काही कार्यकर्ते लोकांना बसवण्याची तसेच चहा - पाण्याची व्यवस्था पहात होते . राघवला हा कार्यक्रम नवीन नव्हता, कारण जवळपास दीड वर्ष तो अशा मंडळात जात होता पण अजून त्याच्या लग्नाचे सूर काही जुळत नव्हते .              राघवने   BCom, MBA   केले आणि तो आता एका बँकेत काम करत होता . शारदकाकूंना राघव हे एकच अपत्य होते . कालपर्यंत स्वतःचे घर ही कल्पना त्याला माहित नव्हती, आज सकाळी मंडळामध्ये एका मुलीने तुम्हीं आईवडिलांबरोबर राहता पण, तुमचे स्वतःचे घर आहे का ? असा प्रश्न त्याला विचारला होता . थोड्यावेळाने तो दुसऱ्या मुलीला भेटला , ती जॉब करणारी होती , शिष्टाचाराला अन...
अधिक वाचा

आणि माझा . . . झाला

इमेज
  लेखिका : सौ. तृप्ती पाडळकर               चला , चला तयार व्हा , आता तुम्हांला मृत्युलोकात जायचे आहे , देवदूत आम्हां सर्वांना सूचना देत होता , फुलांनी सजवलेले विमान तयार होते . देवाने आम्हां सर्वांकडे एकवार प्रेमाने पहिले आणि ' निघा ' अशी खूण केली . दाराजवळ उभा असलेला देवदूत आम्हांला झोळी देऊन विमानात बसा , असे सांगत होता . मी माझी झोळी घट्ट पकडून विमानात बसलो . एकामागून एक विमानात झोळी घेऊन बसत होते , सर्वजण बसल्यानंतर विमानाचा दरवाजा बंद करण्यात आला आणि Take off हे शब्द ऐकू आले . आम्हीं सर्वजण सारखेच दिसत होतो , जणू काही परमेश्वराची लेकरे , पण प्रत्येकाची झोळी मात्र वेगवेगळी होती . सर्वांच्या चेहऱ्यावर एकच प्रश्नचिन्ह होते , देवाने झोळीमध्ये काय दिले असेल ? मी बाजूला बसलेल्याकडे पहिले , त्याची झोळी मोठी होती म्हणजे देवाने त्याला काहीतरी जास्त दिले असणार , मग मला का नाही दिले ? 😡 त्याची झोळी मला मिळाली तर .....            अचानक विमान हेलकावे खाऊ लागले , विमानात गोंधळ उडाला , lights off झाले , थोड्याव...
अधिक वाचा

चला, श्रीमंत होऊया ...! 💰

इमेज
  लेखिका : सौ. तृप्ती पाडळकर           आजकाल जिकडे पहावे तिकडे एकच ध्यास ,  श्रीमंत होण्याचा ,  मग राधाकाकू या ध्यासापासून कशा अलिप्त राहणार  ? अहो ऐकताय ना  ?  नुसते कांदेपोहे खात बसू नका ,  मी काय म्हणते याचा विचार करा  .  " माझं तोंडाबरोबर डोकंपण काम करत आहे ,  तू बोल ",  श्रीरंगराव ,  राधाकाकूंचे यजमान हसत म्हणाले . "  तुमच्या  sense organs  चा ताळमेळ नसतो आणि तुम्हीं  sixth sense ची गोष्ट बोलताय ",  राधाकाकू चिडून म्हणाल्या .  हे पाहून त्यांच्या मुलांनी म्हणजेच प्रतीक आणि प्राची यांनी नाश्ता उरकला .  नाश्ता झाल्यावर श्रीरंगरावांनी ,  मुलांना त्यांच्या आईचा विचार सांगितला . त्यावर प्रतीक म्हणाला ,"  आई पुढच्यावर्षी माझे  graduation  पूर्ण होणार ,  मग मी नोकरीला लागेन ,  त्यानंतर थोडा खर्चाचा भार मी उचलीन  ". हे ऐकून राधाकाकू म्हणाल्या ,"  प्रतीक तू जबाबदारी घ्यायची तयारी दाखवलीस ,  मला खूप बरे वाटले ".  त...
अधिक वाचा