स्वच्छता ......... एक सामाजिक उपक्रम
लेखिका : सौ. तृप्ती पाडळकर चौथीचा वर्ग चालू , तिसरा सायन्सचा तास सुरु होणार ,भोळे बाई येतील म्हणून मुलामुलींनी पुस्तके ,वह्या बेंचवर काढून ठेवली . भोळे बाई म्हणजे कडक शिस्त, स्वच्छता ,नीटनेटकेपणा त्यामुळे वर्गात बाईंचा दरारा असायचा . इतक्यात शिपाई वर्गात आला ,भोळे बाई आज आल्या नाहीत पिरियड ऑफ आहे सांगून निघून गेला . व्वा! एकच गलका ; ग्राउंड वर जाऊया ; काय काय खेळूया ? खो-खो , फुटबॉल , पकडा - पकडी, प्लॅनिगं सुरु . एवढ्यात ताईसारखी दिसणारी मुलगी वर्गात आली ,आज मी तुमचा सायन्सचा तास घेणार आहे ,आमचे चेहरे हिरमुसले तशी ती हसत म्हणाली "घाबरू नका, अभ्यास नाही घेणार,एक छानशी गोष्ट सांगणार ". खेळ नाही तर नाही निदान गोष्ट तरी ... मज्जा ती हसत म्हणाली " तुमचा वर्ग किती छान आहे ,पुस्तके ,वह्या बेंचवर व्यवस्थितपणे ठेवल्या आहेत ,सर्वजण शिस्तीत बसले आहेत ,बोर्डवर तासाचे नाव, शिक्षिकेचे नाव सुंदर अक्षरांत लिहिले आहे , तुम्हां सर्वांना स्वच्छता ,नीटनेटकेपणा आवडतो का? भोळे बाईंना आवडतो ,सर्वजण एका सुरात ओरडले आणि तुम्हांला नाही आवडत का ? तिने हस
